كلنا كأصحاب بيزنس بنواجه نفس المشكلة: ضغط رسائل الواتساب بيزيد، وفي وسط الزحمة في عملاء "بيقعوا" مننا. عميل سأل ومحدش رد عليه، أو عميل كان مهتم واختفى. المشكلة إن العميل ده "سخن" دلوقتي، ولو عدا عليه يوم من غير تواصل، احتمالية إنه يشتري بتقل جداً.
في MazBot، فكرنا إزاي نحل الأزمة دي بذكاء ومن غير ما نصدعك، وعملنا ميزة اسمها 24-Hour Campaign. الميزة دي ببساطة هي "المنقذ" اللي بيجمعلك كل اللي كلموك في آخر 24 ساعة ويبعتلهم رسالة تذكيرية أو عرض بضغطة زرار واحدة.
ليه الميزة دي تحديداً "جوهرة" في واتساب كلاود API؟
قوانين واتساب بتقول إنك ليك "نافذة" 24 ساعة تقدر تكلم فيها العميل بحرية. إحنا في مظبوط (MazBot) استغلينا النقطة دي عشان نخليك تعيد استهداف (Retargeting) للناس المهتمة فعلاً، من غير ما تخاف من حظر الرقم ومن غير ما تدفع تكاليف "Templates" إضافية في كل رسالة.
تعالى أقولك تعملها إزاي في دقيقة (زي ما بنعملها في الفيديو):
ادخل على الحملات: من لوحة تحكم MazBot، اختار حملات الـ 24 ساعة.
سمّي حملتك: اديلها اسم عشان تتابع نتائجها بعدين (مثلاً: "متابعة عملاء الصبح").
اختار الـ Flow: هنا بقى الجمال، تقدر تبعت رسالة نصية، صورة، أو حتى رسالة صوتية (Voice Note) عشان العميل يحس إن في بني آدم حقيقي بيكلمه مش مجرد رد آلي.
التصفية الذكية (Smart Filter): دي أهم حتة.. فعل خيار Check Replies. ليه؟ عشان السيستم بذكاء يستبعد الناس اللي فريق المبيعات رد عليهم فعلاً، ويبعت بس للي "تاهوا" في النص ومحدش عبرهم.
دوس "انطلاق": في ثواني، السيستم هيبعت للـ 80 أو الـ 100 عميل اللي كلموك، وهتشوف الإحصائيات قدام عينك (مين وصله، ومين قرأ).
الخلاصة.. ليه توجع قلبك في المتابعة اليدوية؟
البيزنس الشاطر هو اللي بيعرف "يلم" ورا المندوبين بتوعه ويضمن إن مفيش "Lead" ضاع في الزحمة. ميزة الـ 24 ساعة في MazBot هي المساعد الشخصي بتاعك اللي بيضمن إن محادثاتك دايماً شغالة ومبيعاتك مش بتوقف.
جربها دلوقتي في حسابك، وشوف الفرق في الردود اللي هجيلك!
